കേന്ദ്ര സര്‍ക്കാര്‍ പദ്ധതി പ്രകാരം മദ്രസകളെ നവീകരിക്കുന്നതിന്റെ ഭാഗമായി കാസര്‍ഗോഡ് ജില്ലയിലെ മദ്രസാ അധ്യാപകര്‍ക്കുള്ള പരിശീലനം നടന്നു. ബേക്കല്‍ ബി. ആര്‍. സി. യില്‍ നടന്ന പരിശീലനത്തില്‍ ഇരുപതോളം അധ്യാപകര്‍ പങ്കെടുത്തു. 1 മുതല്‍ 10 വരെയുള്ള സ്കൂള്‍ വിഷയങ്ങളില്‍ കുട്ടികളെ സഹായിക്കുന്നതിനുള്ള പരിശീലനമാണ് പ്രത്യേകസ്കീം അനുസരിച്ച് അടുത്തിടെ നിയമിതരായ അധ്യാപകര്‍ക്ക് നല്‍കിയത്. ഡയറ്റിനായിരുന്നു പരിശീലനച്ചുമതല.
ജില്ലയിലെ പരിശീലനത്തിന്റെ ഉദ്ഘാടനം ഡയറ്റ് പ്രിന്‍സിപ്പല്‍ സി.എം. ബാലകൃഷ്ണന്റെ അധ്യക്ഷതയില്‍ ഡി. ഡി. ഇ. ശ്രീകൃഷ്ണ അഗ്ഗിത്തായ നിര്‍വഹിച്ചു. എ. ഇ. ഒ. രവിവര്‍മന്‍, ബി പി. ഒ. വസന്തന്‍ എന്നിവര്‍ ആശംസകള്‍ നേര്‍ന്നു. ഡയറ്റ് ഫാക്കല്‍ട്ടി അംഗങ്ങള്‍, ഡി. ആര്‍. ജി. മാര്‍ തുടങ്ങിയവര്‍ ക്ലാസെടുത്തു.
No comments:
Post a Comment